Îro li bajarê Kerkûkê di civîneke çapemeniyê de berdevkê polîtburoya YNK’ê Azad Cindiyanî destpêka berxwedanî û paşêrojê ya Kerkûkê ragihand.
Di plana 22’ê tîrmehê de neyarên gelê Kurd û demokrasiya li Iraqê li parlamentoya Iraqê, beyî beşdariya kurdan û çend aliyên din qanûna hilbijartina parêzgehan pesend kir ku madeya 24’ê ya vê qanûnê metirsiyeke mezin bû bo Iraq, prosesa siyasî, paşeroja Iraqê, têkiliyên neteweyî û olî. Paşê xelkê Kerkûkê jî li dijî wê qanûnê derket û xwast bi awayekî demokratîk nerazîbûna xwe der bibirin lê plangêran, jimareyek ji welatiyên kurd ên li Kerkûkê kirin amanc û di dema xwepêşandana Kerkûkê de bombeyek teqandin û di encamê de jimareyek kurd şehîd û birîndar bûn.
Di destpêka kongreyê de sernivîskarên rojnameya Kurdistanî New Stran Ebdulla amaje bi naveroka civîna çapemeniyê kir û qala plana gruba 22’ê tîrmehê kir.
Paşê berdevkê polîtburoya YNK’ê Azad Cindiyanî amaje bi plana 22’ê tîrmehê kir û amancên piştî wê plane aşkere kir ku wek planeke mezin li dijî prosesa siyasî ya Iraqê, têkiliyên neteweyî û olî û li dijî mafên xelkê Kurdistanê, nemaze yên Kerkûkê wesf kir.
Cindiyanî rola serok Talebanî, serok Barzanî û nûnerên din ên kurd li Bexdayê bilind nirxand ku karîne wê planê bilezî pûç bikin û qala helwesta xelkê Kerkûkê kir ku di xwepêşandaneke cemawerî de di 28’ê tîrmehê ya 2008’ê de xewna şovenîst û plangerên gruba 22 tîrmehê pûç kirin.
Cindiyanî di axaftina xwe de cext li ser bicihanîna madeya 140’ê ya destûra Iraqê jî kir û got: “Madeya 140’ê xeta sor e. Madeya 140 çareseriya pirsa Kerkûk û navçeyên dabirî ye.”
Şîrove